ضیاالله هاشمی، سخنگوی وزارت تحصیلات عالی طالبان، میگوید یک هیأت ۱۴ نفری بلندپایه به ریاست نداء محمد ندیم، وزیر تحصیلات عالی طالبان، به شهر کازان جمهوری تاتارستان روسیه سفر کرده است.
به گفته او، این هیأت در یازدهمین نشست «روسیه و جهان اسلام» که از ۱۳ تا ۱۵ می ۲۰۲۶ برگزار میشود، اشتراک خواهد کرد.
در ترکیب این هیأت، نورالدین عزیزی، وزیر صنعت و تجارت طالبان، معینان وزارتهای مالیه، اقتصاد، کار و امور اجتماعی، معادن و پترولیم، صحت عامه و شماری از مقامهای دولتی طالبان حضور دارند.
همچنین سفیر طالبان در مسکو و رؤسای برخی ادارات مربوط نیز شامل این هیأتاند.
هاشمی افزوده است که به درخواست طرف روسی، نخستین نشست کمیسیون مشترک اقتصادی و تجارتی میان طالبان و فدراسیون روسیه نیز در حاشیه این نشست برگزار خواهد شد.
نویسنده:سلیمه حکیمی
