د بلخ ولایت د طالبانو د امر بالمعروف او نهی عن المنکر چارواکو یو سړی او یوه ښځه د «جادوګرۍ» په تور د بلخ ولایت د زارع ولسوالۍ څخه نیولي دي.
د بلخ د امر بالمعروف او نهی عن المنکر ریاست ویلي، چې دغه کسان پرون چهارشنبه، د ثور ۲۳ مه، ونیول شول.
دغه ریاست ادعا کړې چې دا ښځه او سړی د بلخ ولایت د مرکز مزارشریف ښار څخه د «جادوګرۍ» لپاره زارع ولسوالۍ ته تللي وو.
د طالبانو د امر بالمعروف او نهی عن المنکر ریاست نور جزئیات نهدي ورکړي او د دغو کسانو د برخلیک په اړه معلومات نه دي شریک کړي.
لیکواله:سلیمه حکیمي
