ځايي سرچینو راپور ورکړی چې د پنجشنبې د ورځې د غویي ۲۴ مه د سهار په لومړیو ساعتونو کې په کابل کې د چاودنې او ډزو غږونه اورېدل شوي دي. درې تنو د کابل اوسېدونکو ویلي چې د چاودنو وروسته د جګړهییزو الوتکو او بېپيلوټه الوتکو غږونه د کابل په آسمان کې اورېدل شوي دي.
د کابل یوه اوسېدونکي ویلي: «شاوخوا د سهار په ۳:۲۵ بجو د ډزو او وروسته د چاودنې غږونه مو واورېدل.» بلې سرچینې هم تایید کړې چې «دوه قوي چاودنې» شوي دي.
تر دې دمه، د طالبانو چارواکو په دې اړه هېڅ ډول څرګندونه نه ده کړې، او د پېښې دقیق جزئیات، له چاودنو د راتلونکي احتمالي زیان او علت په ګډون، نه دي معلوم شوي.
لیکواله:سلیمه حکیمي
