د بامیان ولایت د یکاولنګ نمبر ۱ ولسوالۍ ځايي سرچینې وایي چې طالبانو په دې ولسوالۍ کې ښځو ته د مخابراتي شبکو د سیمکارټونو پلور منع کړی دی.
د دریو ځايي سرچینو په وینا، دا محدودیت شاوخوا دوه اوونۍ وړاندې د طالبانو له لوري وضع شوی او د سیمکارټونو د پلور استازولیو ته ابلاغ شوی دی.
د سرچینو د معلوماتو له مخې، طالبانو د مخابراتي شبکو د استازولیو مسئولینو ته امر کړی چې ښځو ته دې سیمکارټونه نه پلوري.
سرچینو همداراز ویلي چې طالبانو د دې پرېکړې د توجیه لپاره مخابراتي استازولیو ته ویلي دي: «ښځو ته سیمکارټونه مه ورکوئ، ځکه هغوی نارینه بېلارې کوي.»
لیکواله:سلیمه آریایي
