د طالبانو اړوند رسنیو ادعا کړې چې د دې ډلې ځواکونو په یو لړ پېچلو عملیاتو کې د مقاومت جبهې غړی حسیب قوای مرکز وژلی دی.
دغو رسنیو د پنجشنبې په ورځ پر خپلو ټولنیزو پاڼو لیکلي چې حسیب قوای مرکز د طالبانو د ځواکونو په عملیاتو کې وژل شوی دی.
تر اوسه د نوموړي د وژل کېدو د ځای، څرنګوالي او د عملیاتو په اړه نور جزییات نه دي ورکړل شوي.
طالبانو هم تر اوسه په رسمي ډول د حسیب قوای مرکز د وژل کېدو په اړه څه نه دي ویلي.
بلخوا، د مقاومت جبهې هم تر اوسه په رسمي ډول د نوموړي د وژل کېدو خبر نه دی تایید یا رد کړی.
لیکوال:سعید سمیر
