د ملي مقاومت جبهې د وژل شوي قوماندان حسیب پنجشیري جسد لا هم د هغه کورنۍ ته نه دی سپارل شوی.
د حسیب پنجشیري خپلوان وايي، تر دې دمه ورته نه ده معلومه چې د نوموړي جسد چېرته ساتل کېږي او طالبان به یې څه وخت کورنۍ ته وسپاري.
طالبانو هم تر اوسه د حسیب پنجشیري د جسد د سپارلو او یا د هغه د کورنۍ د غوښتنې په اړه کومې رسمي څرګندونې نه دي کړي.
حسیب پنجشیري تېره پنجشنبه د شمالي سالنګ په سیمه کې د طالبانو په یوه کمین کې وژل شوی و.
لیکوال:سعید سمیر
