د متحده عربي اماراتو د بهرنيو چارو وزارت د بنيامين نتانياهو، د اسرائيلو لومړي وزير له ايران سره د جګړې پر مهال دې هېواد ته د هغه د پټ سفر خبرونه رد کړل.
دغه وزارت نن (پنجشنبې، د غویي ۲۴مه) ويلي: «متحده عربي امارات د بنيامين نتانياهو د ادعا شوي سفر، يا د اسرائيلو د هر ډول پوځي پلاوي د دې هېواد په منلو په اړه خپاره شوي راپورونه ردوي.»
تېره شپه د اسرائيلو د لومړي وزير دفتر په رسمي توګه اعلان وکړ چې نتانياهو د ايران سره د جګړې پر مهال متحده عربي اماراتو ته پټ سفر کړی او له شیخ محمد بن زايد آل نهیان، د اماراتو له مشر سره یې لیدلي او خبرې یې کړي دي.
د اسرائيلو د لومړي وزير دفتر زیاته کړې: «دغه سفر د اسرائيل او اماراتو ترمنځ په اړیکو کې تاریخي پرمختګ رامنځته کړی دی.»
خو د متحده عربي اماراتو د بهرنيو چارو وزارت ویلي چې د دې هېواد او اسرائيلو اړیکې علني دي او د «ابراهیم تړون» په چوکاټ کې دي او «په غیر شفاف یا غیر رسمي ترتیباتو نه دي بنسټیزې شوي.»
دغه وزارت زیاته کړې: «په دې بسټ، د هر ډول ادعا په اړه د اعلان نه شوو سفرونو یا غیر رسمي ترتیباتو په اړه ادعاوې هیڅ بنسټ نه لري، پرته له دې چې په رسمي توګه د اړوندو اماراتي چارواکو لخوا اعلان شي.»
عباس عراقچي، د ایران د بهرنیو چارو وزیر د نتانياهو د پټ سفر خبر ته په ځواب کې ویلي دي چې «نتانياهو اوس هغه څه په ښکاره کوي چې د ایران امنیتي ادارو زموږ د رهبرۍ سره د اوږدې مودې مخکې شریک کړي وو.»
هغه زیاته کړې: «د ایران لوی ملت سره دښمني یو احمقانه شرط دی؛ او د اسرائيل سره په دې مسیر کې همکاري او مرسته، نه بښل کېدونکې ده. هغه کسان چې له اسرائيل سره د وېش رامنځته کولو په همکارۍ کې رول لري، باید ځواب ویونکي وي.»
متحده عربي اماراتو د امریکا او اسرائيلو سره د ایران په جګړه کې د ایران د پراخو توغندیزو او بې پایلو بریدونو هدف ګرځېدلی دی. دغه هېواد تل دغه بریدونه غندلي او ویلي یې دي چې د دفاع حق یې خوندي دی.
په وروستیو ورځو کې «وال سټریټ ژورنال» راپور ورکړی چې امارات په پټه توګه د ایران د «لاوان» جزیره باندې برید کړی، خو په رسمي ډول یې مسؤلیت نه دی منلی.
د امریکا او اسرائيلو سره د ایران د جګړې له پیل راهیسې، د متحده عربي اماراتو او ایران اړیکې له تناوونو سره مخ شوې دي او د دواړو لوریو چارواکو څو ځله د یو بل په اړه توندې څرګندونې کړي دي.
لیکواله:سلیمه حکیمي
