ډونالډ ټرمپ، د امریکا ولسمشر، اعلان کړی چې متحده ایالات به پولنډ ته ۵۰۰۰ نور سرتېري واستوي.
ټرمپ د پنجشنبې په ورځ په ټروت سوشیل کې په یوه پوسټ کې ویلي چې د پولنډ د محافظهکار ملتپال ولسمشر، کارول ناوروکي، سره یې اړیکې د دې پرېکړې لامل شوي چې نور ځواکونه پولنډ ته واستوي.
دا اعلان دوه ورځې وروسته له هغې وشو چې د امریکا د ولسمشر مرستیال، جي ډي ونس، خبریالانو ته وویل چې پولنډ ته د امریکايي ځواکونو استول ځنډول شوي دي.
دا په داسې حال کې ده چې د ټرمپ له هغو غوښتنو وروسته، چې ناټو باید د اروپا په دفاع کې لا ډېر رول ولوبوي، له ډېر وخت راهیسې تمه کېده چې امریکا به په اروپا کې خپل پوځي حضور کم کړي.
ټرمپ د تېر کال په مې میاشت کې په سپینه ماڼۍ کې د ناوروکي کوربهتوب کړی و او د پولنډ د ټاکنو له مهم پړاو مخکې یې، چې پکې ناوروکي د اروپا پلوه منځلاري ګوند نوماند او د پولنډ صدراعظم ډونالډ توسک ته ماته ورکړه، له هغه ملاتړ کړی و.
هغه په سپټمبر کې بیا له ناوروکي سره په سپینه ماڼۍ کې ولیدل او هغه مهال یې ویلي وو چې امریکا کولی شي په پولنډ کې خپل پوځي حضور زیات کړي او د دغه هېواد د دفاعي امنیت د تأمین ژمنه یې کړې وه.
لیکواله:سلیمه حکیمي
