د کندهار د خرقې مطهرې ریاست وايي، د چین یو شمېر سیلانیان چې د سیاحت په موخه کندهار ته تللي وو، د دغه ریاست د هڅو په پایله کې یي اسلام قبول کړی دی.
د یاد ریاست د معلوماتو له مخې، په دې ډله کې ټولټال ۱۲ کسان شامل دي چې اووه یې نارینه او پنځه یې ښځې دي.
سرچینه زیاتوي چې د اسلام منونکو چینايي سیلانیانو عمرونه له ۳۷ تر ۷۱ کلونو پورې دي.
د خرقې مطهرې ریاست په وینا، دغو سیلانیانو د کندهار د سفر پر مهال د اسلام په اړه معلومات ترلاسه کړي او وروسته یې د اسلام د منلو پرېکړه کړې ده.
لیکوال:سعید سمیر
