د مخابراتو او معلوماتي ټکنالوژۍ وزارت ویاند عنایتالله الکوزي ویلي، په کابل ښار کې د لومړي ځل لپاره د ۵جي انټرنټي خدمات په ازمایښتي بڼه فعال شوي دي. د ده په وینا، د افغان بېسیم شرکت مسؤلینو د مخابراتو له وزیر حمدالله نعماني سره په لیدنه کې ډاډ ورکړی چې دا خدمتونه په ۷۴ انتنونو کې فعال شوي دي.
د افغان بېسیم مشر عليالله سروري ویلي، چې تر زېربناوو د بشپړ چمتووالي او ازمایښتي پړاو وروسته به ۵جي خدمات د هېواد نورو سیمو ته هم وغځول شي.
