د افغانستان کرکټ ملي لوبډلې د اېرلنډ پر وړاندې په خپله درېیمه یو ورځنۍ لوبه کې بریا خپله کړه او سیالې لوبډلې ته یې د ۴۲ منډو په توپیر ماته ورکړه.
دا لوبه د چهارشنبې په ورځ، د زمري په ۲۱مه، ترسره شوه. د افغانستان لوبغاړو د توپ اچونې په برخه کې د غوره فعالیت له امله وتوانېدل چې اېرلنډ ته ماته ورکړي.
په دې لوبه کې یمین خان احمدزي د اېرلنډ څلور لوبغاړي وسوځول. راشد خان هم درې لوبغاړي له ډګره بهر کړل، په داسې حال کې چې عظمتالله عمرزي او غضنفر هر یوه یو لوبغاړی وسوځاوه.
له دې بریا سره، د افغانستان کرکټ ملي لوبډلې د اېرلنډ پر وړاندې ټولې درې یو ورځنۍ لوبې وګټلې او د دغو سیالیو لړۍ یې د ۳-۰ په پایله کې په بشپړه بریا پای ته ورسوله.
لیکواله:سلیمه آریایي
