لیکوال:سعید سمیر
د مقاومت جبهې مشر احمد مسعود د غویي اتمې د نمانځنې په مناسبت په انلاین مراسمو کې ویلي، که څه هم د طالبانو ډېری غړي پښتانه دي، خو دغه ډله د پښتنو استازولي نه شي کولی. نوموړي ټینګار کړی، چې طالبان د ټول افغانستان د خلکو اراده نه تمثیلوي.
مسعود زیاته کړې، چې پښتانه سیاستوال باید د طالبانو د سیاستونو پر وړاندې عامه پوهاوی زیات کړي او خلکو ته د دې ډلې د کړنو او پایلو په اړه وضاحت ورکړي. هغه دا څرګندونې په داسې حال کې کړي چې د هېواد سیاسي وضعیت لا هم له ګڼو ننګونو سره مخ دی.
