د ملګرو ملتونو د بشري مرستو د همغږۍ دفتر (اوچا) وايي، د نورستان د برګيمټال ولسوالۍ پر ۱۹۱ سېلابځپلو کورنیو بېړنۍ بشري مرستې وېشل شوي دي.
د اوچا په وینا، په دغو مرستو کې خیمې، کمپلې، ژمني توکي او روغتیايي کڅوړې شاملې دي چې د دغه سازمان د بشري شریکانو او تمویلونکو په ملاتړ برابرې شوي دي.
په نورستان کې وروستیو سېلابونو ګڼو کورنیو ته درانه مالي زیانونه اړولي او د ډېرو کورنیو سرپناه یې ویجاړه کړې ده. سېلابځپلې کورنۍ لا هم بېړنیو بشري مرستو اړتیا لري.
لیکوال:سعید سمیر
