د قطر د کورنیو چارو وزارت اعلان کړی چې د رأس لفان په صنعتي سیمه کې د یوه فابریکه کې د چاودنې له امله لږ تر لږه ۵۴ کسان ټپیان شوي او ۱۸ نور کسان لا هم ورک دي.
د قطر د کورنیو چارو وزارت د (دوشنبې سها، د چنګاښ لومړۍ) په یوه خبرپاڼه کې ویلي چې د لټون او ژغورنې عملیات لا هم روان دي.
چاودنه تېره شپه شاوخوا د ۱۰:۳۰ بجو په وخت د رأس لفان صنعتي سیمې په یوه فابریکه کې رامنځته شوې ده.
د کورنیو چارو وزارت د چاودنې لامل «تخنیکي ستونزه» بللې ده.
دغه وزارت د پېښې له رامنځته کېدو لږ وروسته اعلان کړی و چې «د عامه امنیت لپاره هېڅ ډول زیان یا د موادو د نشتوالي خطر» نه دی راپور شوی.
رأس لفان د قطر د پلازمېنې دوحې شمال ته شاوخوا ۶۰ کیلومتره لرې یوه صنعتي سیمه ده او د دغه شتمن عربي هېواد د تېلو او ګازو د صنعت اصلي مرکز ګڼل کېږي.
لیکواله:سلیمه آریایي
