په کابل کې د یوې ښځې د وهلو ټکولو د راپورونو له خپرېدو وروسته، د طالبانو د امربالمعروف او نهې عن المنکر وزارت ویاند غبرګون ښودلی او ویلي یې دي چې دغه وزارت هېڅ ښځينه کارکوونکې نه لري.
نوموړي څرګنده کړې چې په یاده پېښه کې د ښځو د ګډون ادعاوې ناسمې دي او د وزارت ټول فعالیتونه د نارینه کارکوونکو له لوري ترسره کېږي.
تر دې وړاندې ځینو سرچینو ادعا کړې وه چې د امربالمعروف وزارت نارینه او ښځينه کارکوونکو په ګډه د یوې ښځې سره د تاوتریخوالي پېښه کې لاس درلود، خو وزارت دا خبرې رد کړي دي.
لیکوال:سعید سمیر
