لیکواله:سلیمه آرایي
صلاحالدین سالار، د طالبانو د دفاع وزارت پخوانی مرستیال د خپلو تازه څرګندونو په ترڅ کې د «قدرت د انحصار او قومي برترۍ» په اړه سختې نیوکې کړي دي.
هغه ویلي دي چې جګړه یوازې د «اشغال د ختمولو» او «اسلامي حکومت د جوړولو» لپاره شوې وه، نه د دې لپاره چې یوه ځانګړي قوم ته واک ورکړل شي. سالار زیاته کړې ده چې اوس هغه دې نتیجې ته رسیدلی چې د طالبانو د مشرانو په اړه د مخالفت کوونکو خبرداري سم او پرځای وو.
دغه څرګندونې هغه مهال شوي دي چې دوه کاله وړاندې، د قاري ایوب خالد، د بدخشان پخواني والي سره د علني مخالفت له امله له خپلې دندې څخه ګوښه شوی و.
نوموړي همدارنګه د «فساد»، «قومي تګلارې» او د ملي شتمنیو د یوې محدودې ډلې په لاس کې انحصار باندې نیوکې کړي دي.
سالار خبرداری ورکړی چې که دغه حالت دوام وکړي، د طالبانو حکومت او خلکو ترمنځ فاصله به نوره هم زیاته شي.
