د بدخشان ولایت په مرکز، فیض اباد ښار کې، سیمهییزې سرچینې د یوې زورورې چاودنې او د ډزو د غږونو د اورېدو خبر ورکوي. ویل کېږي چې پېښه د ښاروالۍ ودانۍ ته نږدې رامنځته شوې ده.
د لومړنیو معلوماتو له مخې، د طالبانو اړوند یو «هایلکس» موټر، چې ویل کېږي د فیضآباد د طالبانو ښاروال اړوند و، د ښاروالۍ د دروازې مخې ته په برید کې په نښه شوی دی.
سیمهییزې سرچینې وایي چې په دې پېښه کې د طالبانو ښاروال وژل شوی او د دې ډلې یو شمېر کسان ټپیان شوي دي. د سرچینو په وینا، ټپیان د درملنې لپاره د فیضاباد روغتون ته انتقال شوي دي.
له چاودنې سره هممهاله، په سیمه کې د ډزو غږونه هم اورېدل شوي دي. راپورونه ښيي چې د پېښې شاوخوا لارې د ملکي وګړو پر مخ تړل شوي او په سیمه کې تګ راتګ له محدودیت سره مخ شوی دی.
تازه راپورونه ښيي چې د مقاومت ملي جبهې د پېښې مسؤلیت منلی او ادعا یې کړې چې د طالبانو ښاروال یې وژلی دی. خو د طالبانو سیمهییزو چارواکو تر اوسه په دې اړه رسمي څرګندونې نه دي کړي.
توس نیوز هڅه کوي د دې پېښې په اړه نور جزئیات او تایید شوي معلومات له باوري سرچینو ترلاسه کړي او د پېښې په تړاو تازه معلومات له خپلو مخاطبینو سره شریک کړي.
لیکواله:سلیمه آریایي
