یو ویډیو چې په دې وروستیو کې په ټولنیزو شبکو کې خپره شوې، ښيي چې د بدخشان ولایت د کوکنارو د له منځه وړلو په بهیر کې، د زدهکوونکو ماشومانو څخه د کوکنارو د بوټو د ایستلو لپاره استفاده شوې ده. په دې انځورونو کې څو کوچني ماشومان لیدل کېږي چې پرته له مناسبې وسیلې او یوازې په لاسونو په کروندو کې کار کوي.
دغه موضوع په ټولنیزو شبکو او د ټولنیزو فعالانو تر منځ پراخ غبرګونونه راوپارولي دي. ځینې منتقدان د ماشومانو کارول په داسې فعالیتونو کې د زدهکړې اصولو او د ماشومانو د اساسي حقونو سره په ټکر کې ګڼلي دي.
ټولنیز فعالان په دې ټینګار کوي چې د زدهکوونکو اصلي ځای د ښوونیزو محیطونو او ټولګیو دننه دی، او په میداني فعالیتونو کې د هغوی ګډون کولای شي پر فزیکي او رواني روغتیا یې منفي اغېزې ولري.
لیکواله:سلیمه آریایي
