د ولسمشر محمد اشرف غني پخواني سلاکار وحید عمر د جمهوري نظام له سقوط څخه شاوخوا درې میاشتې مخکې د ولسمشر له شخصي کتابتون څخه اخیستل شوي یوه انځور په اړه تازه څرګندونې کړې دي.
نوموړي ویلي، له هغه وروسته چې محمد اشرف غني له هېواد څخه وتلی، د نړۍ په بېلابېلو برخو کې د هغه په اړه ډول ډول خبرې او نیوکې کېږي، خو دی د خپلې مشاهدې پر بنسټ بل نظر لري.
وحید عمر زیاتوي چې د هغه په اند، غني یو لوستی او فکري شخصیت و او د افغانستان لپاره یې روښانه او عملي طرحه لرله. د ده په وینا، که څه هم وروسته حالات داسې بدل شول چې نظام سقوط ته ورسېد، خو دا موضوع د ګڼو کورنیو او بهرنیو عواملو له امله پېچلې وه.
نوموړي ټینګار کړی چې د غني د نیت او هڅو په اړه د شک کولو ځای نه ویني او هیله یې څرګنده کړې چې زه (وحید عمر ) تمه لرم چي یوه ورځ به محمد اشرف غني ته فرصت برابر شي چې خپله کیسه او روایت له خلکو سره په بشپړ ډول شریک کړي.
لیکوال:سعید سمیر
