لیکواله:سلیمه آریایي
دا راپور د «برګل» اندیشکدې له مخې وايي چې د اروپایي اتحادیې غړو هېوادونو تر اوسه پورې شاوخوا ۱۰.۴ میلیارده یورو د ایران او نورو سیمهییزو لوبغاړو ترمنځ د جګړې له امله د انرژۍ بازار ته د واردو شویو اغېزو د کمولو لپاره لګولي دي. دغه راپور د دې لګښتونو وخت هغه مهال ګڼي چې د انرژۍ بازار د پام وړ بدلونونو سره مخ و.
په راپور کې ویل شوي چې د دې لګښتونو زیاتره برخه د مالي او ملاتړیو تدابیرو په توګه مصرف شوي چې د انرژۍ د بیو د زیاتوالي د کنټرول او د اروپایي هېوادونو پر اقتصاد باندې د فشار د کمولو لپاره وو. د دې سیاستونو اصلي هدف د انرژۍ په بازار کې د بې ثباتۍ له امله رامنځته شویو اقتصادي ستونزو مدیریت ښودل شوی دی.
د راپور له مخې، د هرمز د تنګي په شاوخوا کې د کښتیو تګ راتګ ګډوډي د دې لګښتونو زیاتوالي یو لوی لامل ګرځېدلې ده. دغه وضعیت د انرژۍ پر انتقال او نړیوال ټرانسپورټ باندې مستقیمه اغیزه لرلې ده.
همدارنګه، راپور ښيي چې دا ګډوډۍ د سوون، انرژۍ او ځینو بنسټیزو توکو لکه د پطرولیم محصولاتو او کیمیاوي سره د نړیوال تولید زنځیر ګډوډ کړی دی. دغه وضعیت په نړیوالو بازارونو کې اندیښنې زیاتې کړې دي.
په راپور کې یوه بله مهمه برخه دا ده چې دغو بدلونونو په نړیوالو بازارونو کې بې ثباتۍ ته وده ورکړې او اروپایي حکومتونه یې دې ته اړ کړي چې پراخې مالي مداخلې او حمایتي سیاستونه پلي کړي. په ورته مهال کې، ایرانی چارواکو مخکې ویلي دي چې د اوږد مهاله اوربند په صورت کې چمتو دي چې په هرمز تنګي کې د کښتیو د تګ راتګ امنیت تضمین کړي؛ چې دا موضوع په تیرو وختونو کې د نړیوالې انرژۍ بازار د ثبات لپاره یو له مهمو عواملو ګڼل شوې ده.
