د طالبانو د امنیې قومندانۍ په سمنګان کې وايي چې د دې ولایت د خلم ولسوالۍ په سیمه کې د یوې ترافیکي پېښې په پایله کې درې تنه مړه شوي او یو کس ټپي شوی دی.
حشمتالله رحماني، د طالبانو د امنیې قومندانۍ ویاند، ویلي دي چې دغه پېښه پنجشنبې، د غويي ۲۴ مه، په سهار په صیاد سیمه کې رامنځ ته شوې ده.
هغه زیاته کړې چې دا پېښه د «فرونر» موټر له یوه «ټېلر» بار وړونکي موټر سره د ټکر له امله رامنځته شوې ده.
د سمنګان د امنیې قومندانۍ ویاند ویلي چې د دې پېښې قربانیان یوه ښځه او نارینه دي.
هغه د دې پېښې د رامنځ ته کېدو علت نه دی تشریح کړی.
په افغانستان کې د ترافیکي پېښو له امله هر کال سلګونه کسان وژل کېږي او سلګونه ټپیان کېږي.
د دغو پېښو عمده علتونه د موټرچلوونکو بې غوري، د ترافیکي نښو نشتوالی او د سړکونو خرابوالی ګڼل شوي دي.
لیکواله:سلیمه حکیمي
