ډونالډ ټرمپ، د امریکا ولسمشر، اعلان کړی چې په وروستیو ورځو کې یې له ایران سره خبرو د پام وړ پرمختګ کړی دی، او د دواړو لوریو تر منځ د موافقې د ترلاسه کېدو احتمال زیات شوی دی.
ټرمپ د چهارشنبې په ورځ، د غویي ۱۶ مه، په سپینه ماڼۍ کې خبریالانو ته وویل چې په تېرو ۲۴ ساعتونو کې «ډېرې ښې» خبرې شوي دي او د هغه په وینا، ایران غواړي چې یوې موافقې ته ورسېږي.
هغه همدارنګه وویل چې ایران منلې چې اتومي وسلې ونه لري او زیاته یې کړه چې د موافقې د ترلاسه کېدو احتمال «ډېر لوړ» دی.
د امریکا ولسمشر د مذاکراتو د مهالویش په اړه وویل چې د خبرو بهیر تر ټاکلې مودې پورې محدود نه دی او ورورستۍ ۳۰ ورځې د موافقې د ترلاسه کولو لپاره انعطاف منونکې ده. د هغه په وینا، په اوس وخت کې د مذاکراتو د پای لپاره هېڅ قطعي نېټه نشته.
تر اوسه پورې ایرانی چارواکو د ټرمپ د څرګندونو په اړه کوم غبرګون نه دی ښودلی او نه یې تایید، او نه یې هم رد کړي.
لیکواله:سلیمه آریایي
