مسوولین وايي، د هرات په صنعتي ښارګوټي کې د کولر جوړولو په یوې کارخونه کې شنبې مازدیګر مهال اورلګېدنه رامنځته شوې ده.
د هرات لپاره د طالبانو د رسنیو دفتر د شنبې په ماخوستن (د غبرګولي ۱۶مه) په یوه خبرپاڼه کې ویلي، چې اور د اور وژنې د ټیمونو د پر وخت هڅو په پایله کې مهار شوی او د صنعتي ښارګوټي نورو برخو ته د خپرېدو مخه یې نیول شوې ده.
د خبرپاڼې له مخې، په دې پېښه کې چا ته ځاني زیان نه دی اوښتی، خو د کارخونې مالک ته مالي تاوان رسېدلی دی.
په خبرپاڼه کې د اورلګېدنې د لامل او د اوښتي زیان د دقیقې اندازې په اړه جزئیات نه دي ورکړل شوي.
لیکوال:سعید سمیر
