د امریکا د ویرجینیا فدرالي محکمې یوه منصفه هیئت، شریفالله، چې د داعش ډلې غړی و، په کابل کې د ۱۴۰۰ کال د هوایي ډګر په وژونکي برید کې مجرم وباله. هغه د «لجستیکي ملاتړ» په رول کې تورن وو او د ۲۰ کلونو لپاره په حبس محکوم کیږي.
د اسوشیتډپرس د راپور له مخې، شریفالله په خپل یو اونیزه محکمه کې دغه اتهامات نه دي منلي. دغه دوسیه د امریکا د ځواکونو د افغانستان څخه د وتلو په مهال د اړوندو پېښو یو له مهمو قضیو څخه ګڼل کیږي.
دغه ځان مرګی برید د ۱۴۰۰ کال د وږي په ۴مه، د کابل د هوایي ډګر د «ابیګیت» دروازه ته نيږدې د طالبانو د بیا واکمنېدو پر مهال، او امریکایي ځواکونه له افغانستان څخه وتل پیل کړي و شوی وو. په دې برید کې شاوخوا ۱۶۰ افغانان او ۱۳ امریکایي پوځیان وژل شوي وو. دا پېښه د افغانستان نه د بهرنیو ځواکونو د وتلو په پروسه کې یو له مرګوني بریدونو څخه ګڼل کيږي.
منصفه هیئت همدا رنګه دې نتیجې ته ندي رسېدلي چې آیا د قربانیانو مرګونه مستقیم د شریفالله د توطئې او همکارۍ له امله وو که نه. که داسې توافق شوی وای، ښايي د هغه لپاره د ابد زندان حکم صادر شوی وای.
د شریفالله د زندان وروستی حکم به په راتلونکو اونیو کې اعلان شي. دغه قضیه د هغه د سزا ټاکلو لپاره مهمه ده.
د شریفالله مدافع وکیل، لارین روزن، په محکمه کې وویل چې د دولت استنادي شواهدو یوازې د هغه خپله اعترافونه و چې د اف بي آی په څیړنه کې ورکړل شوي او دوی نور شواهد ندي وړاندې کړي چې د هغه ارتباط د برید سره ثابت کړي.
هغې همدارنګه زیاته کړه چې شریفالله ممکن هغه څه ویلي وي چې د اف بي آی مامورین یې غواړي، ځکه له پاکستان څخه امریکا ته د لېږدولو په وخت کې هغه د شکنجې نه ویره درلوده.
د راپورونو له مخې، شریفالله د پاکستان د امنیتي ځواکونو لخوا نیول شوی وو. د امریکا د عدلیې وزارت مدعیان ویلي چې هغه په ابیګیت برید کې مهم رول درلود او د داعش خراسان څانګې په نورو څو بریدونو کې هم دخیل و.
مدعیان په ځانګړې توګه د ۱۴۰۳ کال په مسکو کې د کنسرت په تالار کې برید ته اشاره کړې چې په کې شاوخوا ۱۴۰ کسان وژل شوي وو. دغه ادعاوې د متهم د فعالیتونو پراخوالی څرګندوي.
د امریکا د مرکزي قوماندانۍ څیړنو ښودلي چې د ابیګیټ برید عامل عبدالرحمان لوگري، چې د داعش غړی وو، مخکې له دې چې له زندان څخه آزاد شي، په افغانستان کې بندي و. د اف بي آی په وینا، شریفالله په زندان کې د برید سره تړاو لرونکي سره اشنا شوی و.
د قضیې مدعی هم وویل چې شریفالله یوه خبریال ته ویلي وو چې هغه پلان درلود چې امریکایي ځواکونه په افغانستان کې د خپل نظامي شتون لپاره هدف کړي.
