د راپورونو له مخې، اسراییل د نوي لیزر پر بنسټ د هوايي دفاعي سیسټم «آیرون بیم» د پراخولو په لړ کې له متحده عربي امارات سره د پوځي همکارۍ مهم ګام اخیستی دی.
ویل کېږي چې دغه پرمختللی لیزري دفاعي سیسټم، چې د بېپیلوټه الوتکو او راکټي ګواښونو د مخنیوي لپاره جوړ شوی، د ایران له لوري د احتمالي ډرون او توغندیو بریدونو پر وړاندې د دفاعي وړتیا د لوړولو په موخه اماراتو ته سپارل شوی دی.
سرچینې زیاتوي چې له سیسټم سره یوځای لسګونه اسراییلي پوځي متخصصین هم متحده عربي اماراتو ته لېږل شوي، څو د دغه ټکنالوژۍ د نصب او عملیاتي کارونو څارنه وکړي.
دا پرمختګ د ۲۰۲۰ کال د ابراهیم تړونونو له لاسلیک وروسته د اسراییل او متحده عربي اماراتو ترمنځ تر ټولو مهمه پوځي همکاري بلل کېږي، چې د سیمهییزو امنیتي بدلونونو په لړ کې ځانګړی اهمیت لري.
لیکوال:سعید سمیر
