د پاکستان پخوانی کرکټ لوبغاړی شاهد افریدی وايي، د پاکستان لومړي وزیر ورته د هېواد د ویاړ لوړ مډال ورکړی دی. نوموړي ویلي، دا یوازې د ده شخصي ویاړ نه، بلکې د ټول پاکستاني ملت بریا ده.
شاهد افریدی دغه مډال د پاکستان هغو ځواکونو ته ډالۍ کړی چې په وروستیو نښتو کې وژل شوي دي. هغه ویلي، د هېواد د امنیت لپاره د ځواکونو قربانۍ باید وستایل شي.
بلخوا، شاهد افریدی په ټولنیزو رسنیو کې د ځینو خلکو له نیوکو سره هم مخ دی. منتقدین وایي، نوموړی د خپل ولس د ستونزو پر ځای تل د نورو لپاره دریځ نیسي او له همدې امله پرې نیوکې کېږي.
لیکوال:سعید سمیر
