د امریکا ولسمشر ډونالډ ټرمپ ویلي، چې د ایران له وروستي استول شوي وړاندیز څخه راضي نه دی او دا وړاندیز د ده له تمې سره برابر نه دی. نوموړي ټینګار کړی، چې له ایران سره اړیکې لا هم د ټېلیفون له لارې روانې دي او دواړه لوري هڅه کوي د اختلافاتو لپاره حللار ومومي.
ټرمپ زیاته کړې، تر اوسه پورې ډاډه نه دی چې له ایران سره به یوې وروستۍ هوکړې ته ورسېږي، ځکه د خبرو بهیر لا هم پېچلی او له ننګونو ډک دی.
دا څرګندونې داسې مهال کېږي، چې د واشنګټن او تهران ترمنځ اړیکې د اوږدې مودې راهیسې ترینګلې دي او د دواړو هېوادونو ترمنځ د سیاسي او اټومي مسایلو پر سر اختلافات لا هم دوام لري.
لیکوال:سعید سمیر
