لیکوال:سعید سمیر
د امریکا ولسمشر ډونالډ ټرمپ خبرداری ورکړی چې که ایران اټومي وسلو ته لاسرسی ومومي، نو اسراییل به «په څو دقیقو کې» له منځه ولاړ شي.
نوموړي دا څرګندونې د سیمې د امنیتي وضعیت په اړه د اندېښنو په ترڅ کې کړې دي او ټینګار یې کړی چې د ایران احتمالي اټومي ځواک به نه یوازې اسراییل، بلکې ټوله نړۍ له جدي ګواښ سره مخ کړي.
ټرمپ ویلي، نړیواله ټولنه باید د دې حالت د مخنیوي لپاره جدي اقدامات وکړي، ځکه چې د اټومي وسلو خپرېدل کولی شي نړیوال امنیت له ستر خطر سره مخامخ کړي.
