روحید ستانکزي او محمد قاسمي، د افغانستان د رزمي هنرونو دوه ملي لوبغاړي، د ۲۰۲۶ کال د آسيا د ځوانانو د رزمي هنرونو په دويم پړاو سياليو کې چې په اوزبېکستان کې ترسره شوې، دوه مډالونه وګټل. په دغو سياليو کې روحید ستانکزي د سپينو زرو مډال او محمد قاسمي د برونزو مډال د افغانستان لپاره ترلاسه کړل.
روحید ستانکزي د منفي ۶۰ کيلوګرام وزن په کټهګورۍ کې، تر پايلوبې پورې د رسېدو په لاره کې د قرغیزستان او اوزبېکستان سيالانو ته ماته ورکړه او پای لوبې ته يې لار پيدا کړه. نوموړي په وروستۍ سيالۍ کې د قزاقستان له کېدر علي څخه ماته وخوړه او د دغو سياليو دويم مقام يې خپل کړ.
په بله برخه کې، محمد قاسمي د ۴۵ کيلوګرام وزن په کټهګورۍ کې خپله لومړۍ لوبه د تاجکستان د يعقوب تورسانزاده پر وړاندې وبايلله، خو وروسته يې د هند د کوين کوپرونکو پر وړاندې بريا خپله کړه او د دغو سياليو د برونزو مډال يې وګاټه.
د آسيا د ځوانانو د ګډو رزمي هنرونو دويم پړاو سيالۍ د مې له ۱۸مې تر ۲۰مې پورې د آسيايي ګډو رزمي هنرونو ټولنې تر څارنې لاندې په اوزبېکستان کې ترسره شوې. په دغو سياليو کې د آسيا بېلابېلو هېوادونو ورزشکارانو د عصري او دوديزو ګډو رزمي هنرونو په دوو برخو کې سيالۍ وکړې.
لیکواله:سلیمه آریایي
