د چین-جنوب آسیا د لسم نندارتون لپاره د شرکتونو د ګډون د پېژندلو په موخه د همغږۍ او قرعهکشي غونډه د صنعت او تجارت وزارت د عمومي سوداګرۍ رئیس او د نندارتون د جوړونې رئیس په ګډون ترسره شوه.
په دې غونډه کې د ګډون کوونکو شرکتونو د انتخاب پروسه او په دې تجارتي پېښه کې د افغانستان د ګډون څرنګوالی وڅېړل شو.
د چارواکو د معلوماتو پر بنسټ، افغانستان ته په دې نندارتون کې ۷۲ غرفې ځانګړې شوې دي.
مقامات د دې نندارتون په ګډون کې د افغانستان هدف د تجارتي اړیکو پراختیا، د کورنیو تولیداتو پېژندنه او د پانګونې لپاره د نوو فرصتونو رامنځته کول ګڼي.
د چین-جنوب آسیا لسم نندارتون د سیمې یو له مهمو اقتصادي پېښو څخه ګڼل کېږي چې د بېلابېلو هېوادونو شرکتونه او استازي پکې ګډون کوي.
