امید سهاک د تکوانډو د ولسمشرۍ جام سیالیو څلورمې پایلوبې ته لار وموندله.
د افغانستان د تکوانډو د منفي ۸۷ کیلوګرامه وزن مليلوبغاړي، امید سهاک، د تکوانډو نړیوال فدراسیون د ولسمشرۍ جام په سیالیو کې خپل پاکستانی سیال د لومړي پړاو په لومړیو ثانیو کې د تخنیکي برلاسۍ له لارې مات کړ.
سهاک د دې بریا په ترلاسه کولو سره د سیالیو د څلورمې پایلوبې پړاو ته لار وموندله او په دې پړاو کې به د ایران له استازي سره مخامخ شي.
د تکوانډو نړیوال فدراسیون د ولسمشرۍ جام سیالۍ د پاکستان په لاهور ښار کې ترسره کېږي. امید سهاک د خپلې لومړۍ سیالۍ په ګټلو سره د منفي ۸۷ کیلوګرامه وزن د اتو غوره لوبغاړو په ډله کې شامل شو.
لیکواله:سلیمه آریایي
