د طالبانو تر واک لاندې د دولتي شرکتونو لوی ریاست وايي، چې په کندهار ولایت کې یې د ملي بس شرکت نوې استازولۍ پرانیستې ده.
د یاد ریاست په وینا، له دې استازولۍ څخه به شاوخوا ۱۴ ملي بس موټر د کندهار ښار دننه د عامه ترانسپورټي خدماتو لپاره وکارول شي، څو د ښاري ټرانسپورټ د اسانتیاوو په ښه کولو کې مرسته وکړي.
چارواکي وايي، د دې اقدام هدف د عامه ترانسپورټ د سیستم پیاوړتیا او د ښار اوسېدونکو ته د منظم او ارزانه خدماتو برابرول دي.
لیکوال:سعید سمیر
