افغاني خبریالې او شاعرې شمیم فروتن د ایټالیا په نړیوال ادبي فرانکو لوی ادبي فسټیوال کې د اوولسم پړاو معتبره ادبي جایزه ګټلې ده.
د راپورونو له مخې، د دې ادبي فستیوال ګټونکي په دې وروستیو کې د ایټالیا په ګروتاماره ښار کې د ځانګړو مراسمو پر مهال وستایل شول.
شمیم فروتن د خپلو ادبي او ژورنالیستیکو فعالیتونو له امله د فسټیوال د جوړونکو له خوا ستایل شوي، او د هغې کار د افغانستان ادبیاتو او رسنیز فعالیت مهم استازیتوب بلل شوی دی.
د «فرانکو لوی» نړیوال ادبي فسټیوال هر کال د نړۍ د بېلابېلو هېوادونو د شاعرانو، لیکوالانو او فرهنګي څېرو د ستاینې لپاره جوړېږي.
لیکوال:سعید سمیر
