د پلخمري د برېښنايي ستنو جوړولو فابریکې مسوولینو اعلان کړی چې دا فابریکه اوس مهال د افغانستان د برېښنايي ستنو شاوخوا ۶۰ سلنه اړتیا پوره کوي. د دوی په وینا، د دې فابریکې تولیدات په هېواد کې د برېښنا رسونې پروژو د پرمختګ او د انرژۍ د بنسټیزو زیربناوو په پراختیا کې مهم رول لري.
د فابریکې مسوولین وایي، که لا ډېر ملاتړ او پانګونه ورته برابره شي، د فابریکې د تولید ظرفیت به په څرګند ډول لوړ شي او د هېواد د کورنیو اړتیاوو لویه برخه به د کورني تولیداتو له لارې پوره شي.
هغوی همدارنګه ټینګار کړی چې د دې فابریکې د فعالیتونو پراختیا کولی شي د لا ډېرو هېوادوالو لپاره د کار زمینه برابره کړي او د برېښنايي ستنو په وارداتو کې د هېواد اړتیا راکمه کړي.
لیکواله:سلیمه آریایي
