د امریکا مرکزي قومندانۍ ویلي چې امریکايي ځواکونه د ایران پر وړاندې د سمندري کلابندۍ او سختو تدابیرو د پلي کولو لړۍ ته دوام ورکوي.
د سینټکام د اعلامیې له مخې، د دغو اقداماتو له پیل راهیسې امریکايي ځواکونو د ۱۳۹ سوداګریزو بېړیو مسیرونه بدل کړي دي. په اعلامیه کې ویل شوي چې یادو بېړیو د صادر شویو لارښوونو او امرونو اطاعت کړی دی.
همداراز زیاتوي چې امریکايي ځواکونو نهه هغه کښتۍ او سمندري وسایط له فعالیت څخه غورځولي، چې د ورکړل شویو لارښوونو څخه یې سرغړونه کړې وه.
سینټکام ټینګار کړی چې د ایران پر وړاندې د فشارونو او محدودیتونو د پلي کولو عملیات به دوام ولري.
لیکوال:سعید سمیر
