د رویټرز د راپور له مخې، د سامسونګ الکترونیکس د سهامو بازار ارزښت د یو ټریلیون ډالرو له کچې څخه اوښتی او شاوخوا ۱۵۰۰ میلیارده اوون ته رسېدلی، چې د ۱.۰۳ ټریلیونه ډالرو معادل دی. دا شمېره د دې شرکت د مالي فعالیت په برخه کې یو مهم ټکی ګڼل کېږي.
سامسونګ، چې د نړۍ تر ټولو لوی تولیدوونکی د حافظې چپونو په توګه پېژندل کېږي، د دې ودې له ثبت وروسته د تایواني شرکت ټي اس ام سي وروسته دویم آسیایي شرکت شو چې داسې کچه د بازار ارزښت ته رسېدلی دی.
د راپور پر بنسټ، د سامسونګ د سهامو وروستۍ ودې اصلي عامل د متحده ایالاتو د مصنوعي استخباراتو په برخه کې د شرکتونو د سهامو د ودې او تقاضا زیاتوالی بلل شوی؛ فاکتور چې د نیمه هادي صنعت د راتلونکي لید په ښه کېدو کې هم مرسته کړې ده.
د سهامو ارزښت د سېول د وخت پر اساس د سهار په ۹:۵۲ بجو (د ګرینویچ د وخت سره سم ۰۰:۵۲ بجې) شاوخوا ۱۲ سلنه لوړ شو او د دې شرکت د یو ټریلیون ډالرو د کچې د اوښتو په برخه کې یې مهمه ونډه درلوده.
لیکواله:سلیمه آریایي
