په کندهار کې د طالبانو تر واک لاندې د کانونو او صنعت خونې مسوولین وایي، چې په دغه ولایت کې دا مهال شاوخوا ۲۴ د خوراکي غوړو د تولید فابریکې فعاله دي.
د یادې ادارې د مسوولینو په وینا، دغه فابریکې هر کال له پنبې دانې څخه نږدې ۵۰ زره ټنه خوراکي غوړي تولیدوي، چې د کورني بازار د اړتیاوو یوه مهمه برخه پوره کوي.
دوی زیاتوي، چې د دغو فابریکو فعالیت د سیمې په اقتصادي وده کې مهم رول لري او ګڼ شمېر کسانو ته یې د کار زمینه هم برابره کړې ده.
لیکوال:سعید سمیر
