د طالبانو د هرات د والي د رسنیو دفتر اعلان کړی چې په دغه ولایت کې له زر هکټاره څخه زیات عصري سوداګریز باغونه جوړ شوي دي.
د یاد دفتر په وینا، دغه باغونه د وروستیو کلونو په ترڅ کې د کرنې د عصري کولو او د سوداګریزې کرنې د پراختیا په موخه رامنځته شوي دي.
چارواکي زیاتوي چې په همدې موده کې د عصري بڼونو جوړولو ته د سیمهییزو بزګرانو لېوالتیا په بېساري ډول لوړه شوې ده، چې له امله یې د مېوو او باغدارۍ په برخه کې د پانګونې کچه هم زیاته شوې ده.
د هرات د کرنې مسوولین هیله څرګندوي چې دا بهیر به د تولیداتو د زیاتوالي، د کاري فرصتونو د رامنځته کېدو او د سیمې د اقتصاد د پیاوړتیا لامل شي.
لیکوال:سعید سمیر
