د لوګر ولایت لومړنی د برېښنا د مېترو د څېړنې لابراتوار په رسمي ډول کار پیل کړ.
د لوګر د برېښنا ریاست ویلي چې دا عصري لابراتوار د ۵۰ زره امریکاېی ډالرو په لګښت جوړ شوی دی. د لوګر د برېښنا رئیس، میراحمد ولي هاشمي، ویلي چې له دې وروسته به د یو فازه، درې فازه ساده او درې فازه کرنټدار مېترونو تخنیکي ازموینه په همدې ولایت کې ترسره کېږي.
مسؤولین وايي چې د دې لابراتوار د پرانیستلو سره، د لوګر اوسېدونکي نور اړتیا نه لري چې د خپلو مېترو د معاینې لپاره کابل یا پکتیا ولایتونو ته ولاړ شي. دا اقدام کولی شي چې د خلکو لپاره د تخنیکي خدمتونو لاسرسی اسانه کړي.
مخکې به د نورو ولایتونو ته د میترو د معاینې لپاره تلل هم پیسې اخیستونکي او هم وخت ضایع کوونکي وو. اوس تمه کېږي چې د دې مرکز د فعالېدو سره، د تخنیکي ستونزو د حل بهیر ګړندی شي او په دې ولایت کې د برېښنا خدمتونه منظمه توګه وړاندې شي.
لیکواله:سلیمه آریایي
