د طالبانو د میدان وردګ ولایت رسنیز دفتر وایي، په دغه ولایت کې د لومړي ځل لپاره ۱۵۶ کیلوګرامه نیلم، چې د شنو یاقوتو په نوم هم یادېږي، د داوطلبۍ له لارې پلورل شوي دي.
د یاد دفتر د معلوماتو له مخې، دغه قیمتي ډبرې د ۲۴۰ زره افغانیو په ارزښت پلورل شوي دي. د طالبانو سیمهییزو چارواکو ویلي، د کانونو د داوطلبۍ بهیر باید په شفاف ډول ترسره شي.
دا په داسې حال کې ده چې د افغانستان د کانونو او طبیعي سرچینو د استخراج او پلور په اړه د داوطلبیو بهیر په وروستیو کلونو کې د طالبانو د حکومت له مهمو اقتصادي موضوعاتو څخه بلل کېږي. د میدان وردګ چارواکو هم د کانونو په برخه کې پر شفافیت او قانوني داوطلبۍ ټینګار کړی دی.
لیکوال:سعید سمیر
